GÓMSÆTAR VEITINGAR nostra Skemmtilegast að við framsetninguna Við fengum sælkerann og matarbloggarann Berglindi Hreiðarsdóttur hjá gotteri.is til að græja gómsætar og jólalegar veitingar fyrir okkur og þetta er útkoman – fjölbreyttar og tiltölulega einfaldar uppskriftir sem hver sem er ætti að geta fylgt. Berglind elskar að töfra fram fallegan mat og leggur hún ávallt mikla áherslu á alla framsetningu, það fer ekki á milli mála að þarna er hún á heimavelli. A ð þessu sinni reyndi ég að hafa einfaldleika í bland við fjölbreytni í fyrirrúmi. Þetta eru því flestallt einfaldar og gómsætar uppskriftir með smá jólaívafi. Fólk hefur oft í nægu að snúast á aðventunni og því gott að geta útbúið eitthvað fljótlegt og gómsætt við allra hæfi,“ segir Berglind þegar hún er spurð út í veitingarnar sem hún töfraði fram að þessu sinni. Hvað er það skemmtilegasta við að bera mat fram að þínu mati? „Að raða honum upp á fallegan og girnilegan hátt því við borðum jú fyrst með augunum. Mér finnst gott að ákveða jafnóðum á hverju ég ætla að bera fram hvern rétt þegar um er að ræða smáréttahlaðborð og reyna að hafa smá fjölbreytni í borðbúnaði.“ Hvað getur þú sagt mér um borðbúnaðinn sem varð fyrir valinu að þessu sinni? „Ég elska að raða saman fallegum borðbúnaði og festi mig alls ekki í ákveðnum stíl hvað slíkt varðar. Stundum er ég í stuði fyrir allt ljóst og næsta dag vil ég kannski hafa allt dökkt. Þegar um er að ræða smáréttahlaðborð líkt og þetta eða veitingar í stærri veislu finnst mér fallegt að blanda saman grófu og fínu. Hafa bæði diska á fæti í bland við trébretti, gler og fleira. Trébrettin frá Stuff eru í miklu uppáhaldi hjá mér og þau eru til í öllum stærðum og gerðum og er gaman að raða þeim saman á hlaðborð fyrir mismunandi veitingar. Svörtu skálarnar frá Nordal, bæði á stuttum fótum og hefðbundnar, notaði ég síðan fyrir kex, hnetur og fleira. Eldfasta mótið frá þeim með handfanginu er frábært til þess að baka osta í og bera fram með góðu meðlæti. Það má leggja heitt mótið beint á trébrettið með öðru sem bera á fram með ostinum. Hér nota ég síðan undurfallega kökudiska á fæti frá Nordal sem eru úr glæru gleri, bæði fyrir snittur og beikonvafðar rækjur því það er svo fallegt að mýkja útlitið aðeins upp með slíku. Einnig er jólapúnsinn og súkkulaðimúsin borið fram í Nordal Garo glerglösum sem mér finnast afar falleg. Ég myndi því klárlega segja að hér sé alls konar fallegt sett saman í bland til þess að veitingarnar fái að njóta sín sem best.“ Hvaða áherslur varstu með í framsetningunni? „Að þessu sinni ákvað ég að bera veitingarnar fram á eyjunni en ekki borðstofuborðinu. Steinninn þar er hvítur í grunninn með svörtum rákum svo ég valdi borðbúnað í takt við það. Ég valdi svart og hvítt í bland við gler, tré og stein ásamt því sem ég notaði aðeins diskamottur til að mýkja þetta upp og gefa útlitinu meiri fyllingu. Ég elska að lyfta veitingum aðeins upp frá borðinu með fallegum stöndum og diskum og síðan er afar fallegt að bera eftirrétti fram í vínglösum á fæti líkt og hér er gert.“ 50
Download PDF file
Table of contents